ပန်းသီးပုံပြင်

ကမ္ဘာဦးရဲ့အစ မှားယွင်းမှုတစ်ခု
ပန်းသီးတစ်လုံးကအစပြုလို့ပေါ့
အာဒံနဲ့ဧ၀ တစ်လုံးတည်းသောပန်းသီး
ခံစားပြီးမျှဝေ ဘ၀တွေကိုပေါင်းစပ်ပြီး
ကြီးမားတဲ့အပြစ် အချစ်ဆိုတာဖြစ်ပေါ်
နှစ်တွေတောင် အတော် ကြာခဲ့ပြီနော်.....။

ပန်းသီးတွေများ အရေမထားဘဲစားမိ
တစ်လုံးထဲနဲ့တောင်အပြစ်ရှိရင်
အပြစ်တွေ အများကြီးနဲ့ မှားပြီးရင်းမှားနေတဲ့
အိမ်မက်တွေနဲ့ လူတစ်ယောက်
ဆယ်ရာသီလောက် ဘ၀အမောတွေထဲ
စူးရဲစွာ ဖြတ်ကျော်ခဲ့ပြီမို့ .....

ရေချိုတွေနဲ့ပင်လယ်
ခဲနေတဲ့ရေတွေနဲ့ ကန္တာရ
မခူးသင့်တဲ့ ပန်းတစ်ပွင့်
ပြန်မလာနိုင်တဲ့ အချစ်တွေနဲ့
မဖြစ်ကောင်းစရာတွေအကြောင်း
တစ်စေ့တစ်စောင်း သိနေတာတောင်........................

ငါလေ.....
ငါကလေ..........
အချိန်တိုင်းအတွက် တွေ့လည်းမတွေ့ရဲ
တွေ့ခွင့်လည်းမရှိ ...
သတိရနေမိတဲ့ အပြစ်ကိုက..........။

မျှော်ငေးသူ

လတစ်စင်း
ညအလင်းတွေရဲ့သခင်
ကမ္ဘာမြေကမော်ကြည့်
မျှော်မိသူက ဝေဒနာရှင်......
မြေလွှာကိုငုံ့ကြည့်နေတဲ့လမင်း
မျှော်လင့်ခြင်းအတိနဲ့လူတစ်ယောက်ကို

မြူလောက်တောင်မြင်မိလိမ့်မထင်........။

အပြစ်ရှိသူက မော်ကြည့်သူ
ရူးသွပ်စွာခံစား သတိရခြင်းတရားတွေရဲ့အောက်
ပြားပြားမှောက် ၀ပ်စင်းနေချိန်
လမင်းဟာခရီးဆက် အာရုဏ်တက်ကိုဆွဲခေါ်ခဲ့တယ်........................

ဝေးကွာသွားတဲ့အချိန်တွေကြား
လွမ်းမောခြင်းတွေခြားထားလည်း
နေ၀င်ချိန်လွန်မြောက်
လမင်းပြန်ရောက်ချိန်ဆို ........
ကောင်းကင်ကိုမော်ကြည့်မျှော်မိသူကိုယ်
ရူးသွပ်စွာအချစ်ပိုခဲ့
မျှော်လင့်ခြင်းမြက်ပင်တွေကို
ယုယစွာဆုပ်ကိုင်
ခိုင်မာစွာတည်ဆောက်
မြူမှုံလောက်အခွင့်အရေးရှိရင်တောင်
သတိရနေဦးမယ်နော် .........။

ဒီကစောင့်နေသူ

နှင်းဆီတစ်ပင်ရဲ့ရှင်သန်မှု
ရေရရှိမှုနဲ့ မြေဆွေးတစ်စုတ်
ဥယျာဉ်မှူးရဲ့ အလုပ်ရှုပ်မှုတွေနဲ့အတူ
ပန်းများကိုပွင့်စေသတဲ့ ..................

ရေတစ်ခွက်နဲ့ အရိပ်တစ်ခု
ခရီးရှည်မှုရဲ့ အင်အားဖြစ်နေ
ခရီးတွေပေါက် ပန်းတိုင်ကို
ရောက်စေသတဲ့လေ..............

ချစ်သူများနေ့ရဲ့ အသက်ဝင်မှု
ချစ်သူရဲ့ အနမ်းတစ်ခု (ဒါမှမဟုတ်)
ကိုယ်စားပြုစကားလေးတစ်စု (ဒါမှမဟုတ်)
တစ်ခုခုတော့ ...... တစ်ခုခုပေါ့ .............

ဒါပေမဲ ................
ဒါပေမဲ့ပေါ့လေ ...........
ကိုယ့်ဘ၀ရဲ့ မောပန်းနေမှု
စာနာမှု ဖေးကူမှု နားလည်မှုတွေကင်းဝေး..........
ဖေဖော်ဝါရီ (၁၄)ဆိုတာတောင် ဘာမှန်းမသိ
ရင်ထဲမှာရှိတဲ့ ခံစားချက်အတွေး
ခဏလေးနားထောင်ပေးတဲ့မင်းကိုဘဲ
နှလုံးသားထဲအထိ ကျေနပ်စွာ
ပီတိ ကျေးဇူးတင်နေမိပါတယ် ...........................

ယူဆောင်သွားပါရစေ

ဘုရားသခင်က
အာဒံအတွက်ဧ၀ကိုဖန်ဆင်းခဲ့တာဆိုရင်
နင့်အတွက်ငါကဖြစ်တည်လာခဲ့ရတာပါ
ရိုမီယိုနဲ့ဂျူးလီယက်ချစ်သလို
ချစ်နိုင်ပါတယ်
ဒါပေမဲ့ ရိုမီယိုသေသလိုနင်လိုက်သေစရာမလိုပါဘူး
ရှင်မွှေးလွန်းနဲ့မင်းနန္ဒာလို
ချောင်းခြားပြီးလည်းနင်လွမ်းမနေပါနဲ့
အရာရာမတည်မြဲတဲ့လောကကြီးမှာ
သေရင်တောင်ဘာမှပါမသွားဘူးဆိုပေမဲ့
နင်ရဲ့ချစ်ခြင်းတွေကိုတော့
ယူဆောင်သွားပါရစေ......